Молитвы и тропари Св. Царю Николаю II и Царственным мученикам
Тропарь, глас 5. (св. Царю-Искупителю Николаю II)
Царства земнаго лишение, узы и страдания многоразличныя кротко претерпел еси, свидетельствовав о Христе даже до смерти от богоборцев, страстотерпче Великий Боговенчанный Царю Николае, сего ради мученическим венцем на небесех венча тя с Царицею, и чады, и слуги твоими Христос Бог, Егоже моли помиловати страну Российскую и спасти души наша.
Тропарь, глас 4.(св. Царственным мученикам)
Днесь, благовернии людие, светло почтим/ седмерицу честную Царственных страстотерпец,/ Христову едину домашнюю Церковь:/ Николая и Александру,/ Алексия, Ольгу, Татиану, Марию и Анастасию./ Тии бо, уз и страданий многоразличных не убоявшеся,/
от богоборных смерть и поругание телес прияша/ и дерзновение ко Господу в молитве улучшиша./ Сего ради к ним с любовию возопиим:/о, Святии страстотерпцы,/ гласу покаяния и стенанию народа нашего вонмите,/ землю Российскую в любве к Православию утвердите,/
от междоусобныя брани сохраните,/ мир мирови у Бога испросите/ и душам нашим велию милость.
_____________________________________________________
Молитва Св. Царственным мученикам и страстотерпцам Российским.
О, святые новомученики и исповедники церкве Российския, услышите усердную мольбу нашу! Вемы яко нецыи от вас, ещё отроцы суще, послушающе и древлих страстотерпцех, в сердце своем помыслиша, колико прелюбезно и доброхвально есть таковым подражати, ихже ни муки, ни смерть не разлучиша от любве Божия. Благо же Вам, яко последовали есте вере и терпению тех, о них же слышасте и ихже возлюбисте. А понеже на всякое время возможно есть найти на ны испытанием нечаянным, испросите от Господа нам мужества дар, иже толико благопотребен есть в житии человестем. Вся концы Отечества нашего страданьми своими освятившии, яко общии за вся ны молитвенницы, умолите Бога, избавити люди своя от ига, ужаснешаго паче всякого иного. И да отпустится нам и всему роду нашему грех, на народе Российском тяготеющий: убиение Царя, помазанника Божия, святителей же и пастырей и паствою, и страдания исповедников, и осквернение святынь наших. Да упразднятся расколы в церкве нашей, да будут вси едино и да изведет Господь на жатву делати Своя, снесть да не оскудевает церковь пастырьми добрыми, иже имут просвещати светом истинныя веры столь великое множество людей, вере ненаученных или от веры отвратившихся. Недостойни есмы милости Божия, обаче страданий ради Ваших Христос Бог наш да ущедрит и помилует всех нас, в помощь вас призывающих. Мы же Ему, Спасителю нашему со Отцем и со Святым Духом сокрушение о гресех и благодарение за вся всегда да приносим, славяще Его во веки веков. Аминь.
|
